Glæsilegt

Frammistaða Gylfa hjá Reading í vetur hefur verið frábær og ekkert minna en það. Hann hefur verið lykilmaður hjá liðinu, sem hefur verið í slæmum málum í deildinni því miður, og er þeirra markahæsti maður. Ekki amalegt það.

Ég er afar pirraður að hann þyrfti að skora úr þessari vítaspyrnu sinni á móti Liverpool í bikarnum en ef það var einhver sem hefði átt að gera það þá er þetta strákur sem á það fyllilega skilið. Hann hefur leikið óaðfinnanlega í liði Reading og á bjarta framtíð fyrir sér. Mér finnst það nú hálf lygilegt að hann skuli ekki vera í aðallandsliðinu því hann er mikið betri en margir leikmenn liðsins.

Haldi hann þessu áfram býst ég við því að hann verði í stærra liði en Reading áður en langt um líður. Vonandi bætir hann enn meira í leik sinn og hjálpar Reading að halda sér uppi í 1.deildinni.

Stjórinn hrósar Gylfa

Athugasemdir

[A (IP-tala skráð) 14.3.2010 kl. 01:21]

Hann myndi aldrei fara í Liverpool, sagði það sjálfur minnir mig